«Aston Villa» darvozaboni bilan shartnomani uzaytirdi

«Aston Villa» jamoaning asosiy darvozaboni bilan shartnomani uzaytirdi.

Birmingem klubi matbuot xizmati xabariga ko'ra, 29 yoshli argentinalik darvozabon Emiliano Martines «Aston Villa» bilan 2027 yilning yoziga qadar amal qiladigan shartnoma imzolagan. 

«Aston Villa» Martinesni 2020 yilda o'z safiga qo'shib olgan edi va uning uchun jamoa Londonning «Arsenal» klubiga 17,4 million evro maosh to'lagan.

Joriy mavsum Emiliano Martines birmingemliklar safida barcha musobaqalar doirasida 20 ta o'yinda maydonga tushib, 30 ta gol o'tkazib yubordi va 5 marta o'z darvozasi daxlsizligini saqlab qoldi.