«Nasaf» FIFA bilan muzokara olib bormoqda

Xabaringiz bor, 2020 yil «Nasaf» jamoasining Turkiyada bo'lib o'tgan mavsum oldi o'quv-mashg'ulot yig'iniga frantsiyalik futbolchi Diakite Abdelae kelib qo'shilgandi. Futbolchining o'yin uslubi jamoa murabbiylarini qoniqtirmaganligi sababli futbolchiga javob berilgan edi.

2021 yilda futbolchi «Nasaf» futbol klubi ustidan FIFA ga arz qilgan va jarima to'lash bo'yicha qaror bir tomonlama chiqarilgan. Hozirgi paytda «Nasaf» futbol klubi huquqshunoslari O'zPFL xalqaro bo'limi bilan hamkorlikda Diakite Abdelae bilan yuzaga kelgan muammoni echish ustida muzokara olib borishmoqda.

Diakite Abdelae borasidagi muammo yuzaga kelishiga sabab bo'lgan rasmiy shaxslarga surishtiruv ishlari yakunlangandan so'ng ularga tegishli chora ko'riladi.