Aspilikueta kelgusi faoliyati borasida bir qarorga kelgan

Londonning «Chelsi» klubi sardori Sesar Aspilikueta faoliyatini poytaxtning klubida yakunlamoqchi.

Ispaniyalik futbolchi bu haqda allaqachon «ko'klar» rahbariyati va ba'zi jamoadoshlarini xabardor qilgan. Sesar «Chelsi»ni chin dildan sevadi va ketishni istamaydi.

E'tiborlisi, avgust oyida Sesar «Chelsi»ni himoya qilayotganiga 10 yil to'ladi. «Chelsi» rahbarlari esa o'z navbatida, Aspilikuete borasida hali bir qarorga kelganicha yo'q.

Agar unga yangi shartnoma taklif qilishsa, bu uzoq muddatli bo'lmaydi. Hozir futbolchi 32 yoshda.