Agbonlaxor: «Hozir «MYu»dan ko'ra, «Aston Villa» bilan shartnoma imzolagan ma'qul"

Angliyaning «Aston Villa» klubi futbolchisi Jon Makginnga "MYu" tomonidan bo'layotgan qiziqishga jamoaning sobiq futbolchisi Gabriel Agbonlaxor fikr bildirdi.

Gabriel Agbonlaxor Makginni «qizil iblislar» tarkibiga o'tishini maslahat bermayapti. Uning fikricha, ayni paytda «Manchester Yunayted» «Aston Villa»dek ishonchli jamoa emas.

«Jon Makginn «Aston Villa»da qolishi shart va hech qachon «Manchester Yunayted»ga ko'chib o'tishni o'ylamasligi kerak. Fikrimcha, yozda «Manchester Yunayted» klubi bilan emas, balki, ambitsiyalarni hisobga olgan holda «Aston Villa» bilan shartnoma imzolashi kerak. «Manchester Yunayted» cho'kmoqda, «Aston Villa» esa yuqorilamoqda.

«Manchester Yunayted»ning yangi bosh murabbiyi kim bo'ladi? Bilmadim! Shartnomasi yakuniga etayotgan futbolchilari ro'yxatiga qarang. Ayni paytda futbolchilar «Manchester Yunayted»dan ketishni xohlamoqda. Hozirda ko'plab futbolchilar «Aston Villa»ga ko'chib o'tishni istashmoqda, – Agbonlaxorning so'zlaridan iqtibos keltirmoqda talkSPORT.