"Yuventus" futbolchisi "Ayaks"ga o'tmoqda

Italiya jurnalist Nikolo Skiraning tarqatgan ma'lumotiga qaraganda, huquqiy jihatdan Turinning "Yuventus" klubiga tegishli bo'lgan, ayni paytda faoliyatini ijara asosida «Sampdoriya» klubida davom ettirayotgan 19 yoshli Muhammad Ixattaren Niderlandiyaning «Ayaks» klubiga o'tmoqda.

Niderlandiyaliklar futbolchini keyinchalik sotib olish huquqi bilan bir yarim yilga ijaraga olmoqda.

Ixattaren 2021 yilning yozida «Yuventus» klubiga PSV jamoasidan 1,9 million evro evaziga ko'chib o'tgandi. Turinliklar yarim himoyachini «Sampdoriya» klubiga mavsum yakuniga qadar ijaraga berib yuborgandi. Ixattaren «Sampdoriya»da ham, "Yuventus"da ham A Seriya doirasida bitta ham uchrashuvda maydonga tushmadi.

Muhammad Ixattarenning «Yuventus» bilan amaldagi shartnomasi 2025 yilning iyun oyigacha amal qiladi.