Kutilgan voqea sodir bo'ldi. Xavi Dembeledan foydalana olmaydi

"Barselona" bosh murabbiyi Xavi hujumchi Usmon Dembeleni "Atletik" bilan Ispaniya kubogi 1/8 final uchrashuvi uchun qaydnomadan chetda qoldirdi, deb xabar beradi "Scma.cat".

Manbaning xabariga ko'ra, agar yaqin soatlarda yangi shartnoma imzolash bilan bog'liq vaziyat o'zgarmasa, 24 yoshli frantsiyalik futbolchi mavsumning qolgan qismini o'tkazib yuboradi.

Avvalroq Kataloniya klubi hujumchi shartnomani uzaytirish taklifini qabul qilmasa, uni jamoadan chetlatishi haqida xabar berilgandi.

Ma'lumot uchun, Dembele joriy mavsum “Barselona” safida 11 o'yinda maydonga tushib, 1 ta gol urdi va 2 ta golli uzatmani amalga oshirdi.