«Sho'rtan» 3 futbolchi bilan shartnoma imzoladi

Ayni kunlarda mavsumoldi tayyorgarlik jarayonini qizg'in ruhda davom ettirayotgan «Sho'rtan» tarkibiga yangi futbolchilar kelib qo'shilmoqda. Jumladan, klub kecha 3 nafar futbolchi — Nodirxon Ne'matxonov, Abduxoliq Qurbonov va Eldor Ergashov bilan shartnoma imzolandi.

Ma'lumot uchun, Nodirxon Ne'matxonov 2001 yilda tug'ilgan, o'ynaydigan ampulasi - markaziy himoyachi, bunga qadar "AGMK" jamoasi safida maydonga tushgan.

Abduxoliq Qurbonov 1989 yilda tug'ilgan, o'ynaydigan ampulasi - himoyachi, bunga qadar "Xorazm" jamoasi safida maydonga tushgan.

Eldor Ergashov 1992 yilda tug'ilgan, o'ynaydigan ampulasi - yarim himoyachi, bunga qadar "Neftchi" klubi safida maydonga tushgan.

"Sho'rtan" matbuot xizmati bo'limi.