"Barselona" Dembeleni asosiy tarkibdan chetlatmoqchi

"Barselona" hujumchi Usmon Dembeleni asosiy jamoadan chetlatishi mumkin. "Esport3" xabariga ko'ra, kelayotgan dam olish kunlaridan boshlab bosh murabbiy Xavi 24 yoshli frantsiyalik futbolchining hizmatlaridan foydalana olmaydi. Ayni damda hujumchi va klub kelishuvni uzaytirish borasida kelisha olmayapti.

Oldinroq Dembele Premer-liga klublaridan biri bilan shartnoma borasida kelishib olgani, ammo qishda jamoasini o'zgartirmoqchi emasligi haqida xabarlar tarqalgan edi. Frantsiyalik futbolchining kataloniyaliklar bilan amaldagi shartnomasi 2022 yilning yozida yakuniga etadi.

2021/22 yilgi mavsumda Dembele klub safida barcha turnirlar doirasida 11 ta o'yinda maydonga tushib, bitta gol va ikkita golli uzatmani amalga oshirgan.