“Turon” klubining yoshlar futbol akademiyasi o'z faoliyatini boshlaydi

Farg'ona viloyati hokimi Xayrullo Bozorov, O'zbekiston tumanining Qulibek MFY hududida barpo etilayotgan “Turon” professional futbol klubining Yoshlar futbol akademiyasining qurilish ishlari hamda rejalari bilan tanishdi.

6,0 mlrd. so'm qiymatidagi ushbu loyiha amalga oshirilishi natijasida 150 nafardan ziyod futbolga ishtiyoqi yuqori bo'lgan tuman yoshlari o'z mahorat va ko'nikmalarini mustahkamlash imkoniga ega bo'lishadi. 2021 yilda boshlangan qurilish ishlari joriy yilda yakuniga etkazilishi ko'zda tutilgan.

Mashg'ulotlar zali, o'quv xonalari, ovqatlanish joylari, basseyn, fitnes zal va boshqa qulayliklar yoshlarni yanada faol bo'lishga chorlaydi.

Ma'lumki, Yaypan shahrida "Turon" futbol klubi tashkil etilganda, tumanda, viloyatda, futbolning rivojiga hissa qo'shish, chekka hududlardagi yosh iqtidorli futbolchilarni izlab topish, ulardagi qobiliyatni yanada rivojlantirib asosiy tarkibga jalb etish orqali o'zbek futboliga etkazib berish, futbol o'yinini ommaviyligini targ'ib etish asosiy vazifalar qatorida belgilangan.