"Zenit" Braziliya klubiga 18 million evro to'lamoqchi

"Zenit" "Internasonal" hujumchisi Yuri Alberto bo'yicha taklifni oshirishga tayyor, deb xabar beradi "UOL".

Dekabr oyida "Zenit" 20 yoshli hujumchi uchun 15 million evro va yana 3 million bonus to'lashga tayyor edi. Endilikda "Zenit" Alberto bo'yicha muzokaralarni qayta boshladi va taklifini oshirishga tayyor.

Shuningdek, futbolchiga Londonning “Arsenal”, “Milan” va “Barselona” klublari ham qiziqish bildirayotgani xabar qilingandi.

Braziliya chempionatining so'nggi mavsumida Yuri Alberto 33 uchrashuvda 12 ta gol urdi va 3 ta golli uzatmani amalga oshirdi. Transfermarkt portali futbolchini 12 million evroga baholamoqda.