«Atletik»ka qarshi bahsni «Barselona» hujumchisi o'tkazib yuboradi

«Barselona» hujumchisi Memfis Depay Ispaniya kubogi 1/8 finalida «Atletik»ga qarshi o'yinni o'tkazib yuboradi.

27 yoshli gollandiyalik bugungi jamoa mashg'ulotlarida qatnasha olmadi. U alohida tarzda individual mashg'ulot olib borgan. 

Shuningdek, jarohati tufayli avgust oyidan beri safdan chiqqan hujumchi Martin Breytueyt bo'lajak o'yinda «Barsa» safiga qaytishi mumkin.

Eslatib o'tamiz, «Atletik» va «Barselona» o'yini 20 yanvar payshanba kuni bo'lib o'tadi.