Kelasi mavsumda OFK litsenziyasini olmagan klub Superligaga qo'yilmaydi

O'zbekiston professional futbol ligasi mavsum-2022 uchun tasdiqlangan Reglamentni taqdim etdi. Unga ko'ra, 2023 yilgi mavsumdan boshlab faqat OFK litsenziyalashidan o'ta olgan klublarga Superligada ishtirok etishi uchun litsenziya beriladi.

Kelgusi yildan OFK litsenziyasini ololmagan jamoalar Superligaga qo'yilmaydi. Ularning o'rni OFK litsenziyasiga ega chiqqan Pro liga klublari bilan to'ldiriladi.

Eslatma: 2021 yilgi mavsum yakuniga ko'ra, OFK litsenziyasini 12 ta klubimiz qo'lga kiritgan ("Paxtakor", "Neftchi", "Bunyodkor", AGMK, "Qizilqum", "So'g'diyona", "Nasaf", "Lokomotiv", "Metallurg", "Turon", "Buxoro").