Bu fakt! Italiya o'z maydonida XXI asrdan beri mag'lub bo'lmayapti

Kecha Italiya terma jamoasi Evro-2020 saralash bosqichida Finlandiyani mag'lubiyatga uchratdi.

Opta nashrining xabar berishicha, Italiya rasmiy o'yinlarni hisobga olsa, XXI asrda hali biror marta o'z maydonida mag'lub bo'lmagan ekan.

Bu o'yin italiyaliklar uchun 48-uy o'yini bo'ldi. Oxirgi marta Italiya o'z maydonida 1999 yil 8 sentyabr kuni Daniyadan mag'lub bo'lgan.

Ta'kidlab o'tish joiz, Roberto Manchini shogirdlari kelasi o'yinni o'z maydonida Lixtenshteynga qarshi o'tkazadi.