Filipp Rayevats – «Lokomotiv» futbolchisi

"Lokomotiv" futbol klubi Filipp Rayevatsning transferini e'lon qiladi.

So'nggi ikki mavsum davomida "Qo'qon-1912" va "Bunyodkor" jamoalarida ajoyib o'yinlar ko'rsatib, bir necha bora muhim gollarni urgan, kerakli o'yinlarda o'zini ko'rsatgan, muxlislar e'tiborini qozongan serbiyalik Filipp Rayevatsning o'yinlari "Lokomotiv" futbol klubi murabbiylar shtabiga ma'qul keldi.

1992 yilning 21 iyun kunida Serbiyada dunyoga kelgan hujumchi 2019 yilgi mavsumda OChL, O'zbekiston chempionati va O'zbekiston Kubogida "Lokomotiv" sharafini himoya qiladi.