"Bavariya" so'nggi olti yildagi eng yaxshi birinchi davrasini o'tkazdi

Myunxenning “Bavariya” klubi Germaniya chempionatining 17 turida 43 ochko jamg'ardi.

Klub matbuot xizmati xabariga ko'ra, bu nemis superklubining 2015 yildan beri Bundesliganing birinchi davrasidagi eng yaxshi natijasi hisoblanadi.

Olti yil avval Xosep Gvardiola boshchiligidagi “Bavariya” 46 ochko jamg'argan holda qishki mavsum chempioni bo'lgandi.

E'tiborlisi, Bundesliga tarixida 17 turda 43 ochko jamg'argan jamoa yakunda chempion bo'la olmagan holatlar hali kuzatilmagan.