Stiven Jerrard: "Men 20 yoshimda u kabi futbol o'ynay olmasdim"

"Aston Villa" bosh murabbiyi Stiven Jerrard o'z futbolchisi Jakob Remzi haqida fikr bildirdi. Uning fikricha, Remzi undan yaxshiroq:

"U allaqachon yuqori darajaga chiqib ulgurdi. Menimcha, uning ko'rsatayotgan o'yinlari, shunchaki fantastik. Remzining bunday yosh bo'la turib, ajoyib o'yin ko'rsatayotgani, futbolchining etilganini anglatadi. U o'yinni yaxshi nazorat qila oladi va maydonni zo'r ko'radi. Aniq bilaman, men 20 yoshimda undan yaxshi o'ynamas edim".

Eslatib o'tamiz, "Aston Villa"ning "Byornli"ga qarshi bahsi virus sabab qoldirilgan edi.

Manba: teamtalk.com