Shevchenko: "Evropa chempionlariga o'z uylarida gol o'tkazmaganimiz - a'lo natija"

Ukraina terma jamoasi bosh murabbiyi Andrey Shevchenko Evro-2020 saralashining birinchi o'yinida Portugaliya bilan durang (0:0) haqida gapirdi.

O'yin Lissabonda bo'lib o'tdi.

"Biz o'yinga tuzgan reamizning himoya qismini to'liq bajardik. Evropa chempionlariga ularning maydonlarida gol o'tkazmaslik - ajoyib natija. Umuman olganda, jamoamdan 80 foiz mamnunman.

O'yinimiz chiqmagan paytlar bo'ldi. Ammo Portugaliya - juda kuchli jamoa, bizga ko'p muammolar tug'dirdi", - deydi Shevchenko.

Portugaliya keyingi turda o'z maydonida Serbiyani qabul qiladi, Ukraina esa Lyuksemburgga safar qiladi. O'yinlar 25 mart kuni bo'lib o'tadi.