Iguain: "Milan" meni sotib olishi uchun ko'proq gol urishim kerak"

"Milan" hujumchisi Gonsalo Iguain qishki transferlar chog'ida klubni tark etishi mumkinligi haqidagi xabarlarga izoh berdi.

"Mish-mishlar menga bosim o'tkazmaydi. "Milan" meni sotib olishi uchun ko'proq gollar urishim kerak. Buning uchun xotirjam bo'lishim va diqqatimni jamlashim kerak. Jamoaga yordam berishim kerak, ana shunda gollar kelaveradi. Men haqimda mish-mishlar 13 yildan buyon davom etmoqda, ularga ta'sir o'tkaza olmayman Bunga ko'nikib qolganman", - deydi Iguain.

Eslatib o'tamiz, "Milan" o'tgan yozda 31 yoshli futbolchini "Yuventus"dan 18 mln evroga ijaraga olgan va 36 mln evro to'lab uni to'liq sotib olishi mumkin.

Iguain A seriyaning ushbu mavsumida 11 ta o'yinda 5 ta gol urgan.