Serbiyada yilning eng yaxshi futbolchisi aniqlandi

Angliyaning “Fulhem” klubi hujumchisi Aleksandr Mitrovich Serbiyada 2018-yilning eng yaxshi futbolchisi deb topildi. Bu haqda Serbiya futbol assotsiatsiyaning rasmiy saytida xabar berildi.

24 yoshli serbiyalik futbolchi London klubining 2018-yilda APLga qaytishiga yordam berdi. Mitrovich milliy terma jamoa safida 6 ta gol urib, Millatlar Ligasi musobaqasida eng yaxshi to'purar bo'ldi.

Joriy mavsumda futbolchi 17 ta o'yinda maydonga tushib, raqib darvozasiga 7 ta gol urdi va 3 ta golli pas berdi.