Sobiq APL yulduzi "MYu"dagi ichki holat haqida gapirdi

Angliya terma jamoasi va "Tottenxem" klubining sobiq darvozaboni Pol Robinson "MYu"ning hozirgi holati haqida gapirdi. U bu haqda shunday deydi:

"Jamoa kiyinish xonasida baxt va xursandchilik hukm surmayotganga o'xshaydi. Fergyuson davrida kiyinish xonasi ichidagi xabarlar deyarli tashqariga chiqmasdi. U jamoani bu tomonlama juda qattiq nazorat qilgan. U erda echilmagan va bahslarga to'la narsalar bor bo'lishi mumkin edi. Biroq tashqariga, matbuot yuziga chiqarilmagan. Hozir esa unday emas. Ko'plab xabarlar aynan ushbu klub bilan bog'liq bo'lib qolmoqda. Buni tez orada o'zgartirish lozim".