FIFA juma kuni klublar o'rtasidagi JChning yangi formatini tasdiqlaydi

Ertaga, 15 mart kuni FIFAning navbatdagi kengashi bo'lib o'tadi. Unda klublar o'rtasidagi jahon chempioantining yangi formati tasdiqlanishi kutilmoqda.

Yangi formatdagi musobaqa 2021 yildan boshlab o'tkazila boshlaydi. Turnir 17 iyundan 4 iyulga qadar bo'lib o'tadi. Unda 24ta jamoa ishtirok etadi:

— Evropadan 8ta jamoa;
— Janubiy Amerikadan 6ta jamoa;
— Osiyo, Afrika va KONKAKAFdan 3tadan jamoa;
— Okeaniyadan 1ta jamoa.

Jamoalar 3tadan 8ta guruhga bo'linadi. Guruh g'oliblari chorak final yo'llanmasini qo'lga kiritadi.

FIFA musobaqadan olinadigan daromadni oshirish maqsadida shunday formatni yo'lga qo'ymoqda. 2021-2033 yillar oralig'ida tashkilot kamida 12 milliard dollar miqdorida daromad olmoqchi.