«Lokomotiv» – «Al Rayan». Liboslar rangi tanlandi (foto)

Ertaga, 11 mart kuni "Lokomotiv" Osiyo chempionlar ligasi guruh bosqichidan o'rin olgan 2-tur uchrashuvini o'tkazadi. "Temiryo'lchilar" Dohada "Al Rayan" mehmoni bo'lishadi.

Bugun mahalliy vaqt bilan 14:00da o'yin oldidan miting, so'ngra matbuot anjumani tashkil etildi. Uchrashuv komissari olib borgan mitingda o'yinga aloqador tashkiliy masalalar kelishib olindi, shuningdek ertangi bellashuvda jamoalarning qaysi liboslarda to'p tepishiga oydinlik kiritildi.

Demak, mehmon jamoa "Lokomotiv" ertaga oq libosda harakat qiladi. Maydon egalari "Al Rayan" esa o'zining yo'l-yo'l qizil-qora rangli futbolkalarida o'ynaydi. Ertangi bahs "Jassim bin Hamad" stadionida bo'lib o'tadi va mahalliy vaqt bilan 18:35 (Toshkent vaqti bilan 20:35)da start oladi.