«Barselona» Pedriga ta'til berishga qaror qildi

«Barselona» klubi yarim himoyachisi Pedriga ikki haftalik ta'til beriladi. Bu haqda klub bosh murabbiyi Ronald Kuman xabar berdi.

"Qanday yo'l tutsak, Pedri uchun yaxshi bo'lishi haqida ko'p o'yladik. U "Atletik"ga qarshi bahsda ishtirok etadi. Shundan so'ng unga ikki haftalik ta'til beriladi", - dedi Kuman.

Shu tariqa, Pedri JCh-2022 saralash bosqichi doirasida bo'lib o'tadigan o'yinlarda Ispaniya terma jamoasiga yordam bera olmaydi.

Eslatib o'tamiz, Pedri o'tgan mavsum davomida naq 74ta o'yinda ishtirok etdi.