«Arsenal» 3 o'yinchisi bilan xayrlashishi kerak

Londonning «Arsenal» klubi moliyaviy muvozanatni saqlash uchun bir nechta o'yinchilari bilan xayrlashishi kerak.

Taniqli insayder Fabritsio Romanoning so'zlariga ko'ra, «kanonirlar» bu yozda transfer bozorida o'zlarini ko'rsatishi kutilmoqda.

Avvalroq Tavaresh, Lokongu va Uayt bilan shartnoma imzolagan londonliklar 80 million evrodan ko'proq mablag' sarflashgan.

Va tez orada klub Remsdeyl va Edegor bilan amalga oshgan transferlarni rasman e'lon qilishi kerak.

«Arsenal» ushbu xaridlar xarajatlarini qoplash uchun uchta o'yinchisiga xaridor topishi kerak bo'ladi.

Mikel Arteta Villian, Ektor Belerin va Lukas Torreyra xizmatlaridan voz kechishga tayyor.