Pedro rimliklar tarixiga kirishi mumkin

«Roma» hujumchisi Pedro «Latsio» futbolchisiga aylanishi mumkin.

Ma'lum bo'lishicha, unga «burgutlar»da ispaniyalik bilan «Chelsi»da birga ishlagan Mauritsio Sarri qiziqish bildirmoqda.

Futbolchining o'zi «Roma»ni tark etmoqchi, chunki u bosh murabbiy Joze Mourinoning rejalarida yo'q.

Agar ushbu transfer amalga oshsa, ispan zamonaviy futboldagi Rimning bir klubidan boshqasiga o'tgan birinchi o'yinchi bo'lishi mumkin.

Eslatib o'tamiz, Pedro 2020 yilda «Chelsi»dan erkin agent sifatida «Roma»ga o'tgandi.