Zinchenko: «Muxlislarni yana maydonda ko'rishdan xursand bo'ldim»

«Manchester Siti» chap qanot himoyachisi Aleksandr Zinchenko APL 1-turida «Tottenxem»ga qarshi o'yin natijasiga munosabat bildirdi.

Eslatib o'tamiz, yakshanba kuni «shporlar» sensatsion tarzda «shaharliklar» ni 1:0 hisobida mag'lub etishgandi.

«Albatta bu biz xohlagan natija emas, lekin oldinda hali ko'p o'yinlar bor. Muxlislarimizni yana maydonda ko'rishdan xursand bo'ldim! «Manchester Siti olg'a!» - deb yozadi Zinchenko o'z Instagramida.

Ma'lumot uchun, «Tottenhem» bilan o'yinning 79-daqiqasida ukrainalik zaxiradan maydonga tushgan edi.