Futzalchilarimiz Madrid shahridagi o'quv mashg'ulot yig'inini boshladi

Avval xabar berganimizdek, futzal bo'yicha O'zbekiston milliy terma jamoasi o'quv-mashg'ulot yig'ini o'tkazish uchun Ispaniyaga yo'l oldi.

Jahon chempionatiga puxta tayyorgarlik ko'rish maqsadida futzalchilarimiz jahonning etakchi terma jamoalari bilan bahs olib boradi.

Bugun Madrid shahriga etib borgan futzal terma jamoamiz kunning ikkinchi yarmida mashg'ulotlarni boshladi. Murabbiylar shtabi asosan tiklanish mashqlariga urg'u berdi.

Eslatib o'tamiz, bugun Bahodir Ahmedov murabbiyligi ostidagi terma jamoamiz Ispaniya vakillari bilan o'rtoqlik uchrashuvi o'tkazadi.