Jo Uillok nima uchun "Arsenal"ni tark etganiga izoh berdi

"Arsenal" futbolchisi Jo Uillok nima uchun klubni tark etib, "Nyukasl"ga qo'shilgani haqida gapirdi. U bu haqda shunday deydi:

"Men yangi jamoada o'zimda juda yaxshi his qildim. O'tgan mavsum men uchun ajoyib kechdi. Men yana "Nyukasl" futbolchisiga aylanganimdan xursandman. "Arsenal"ni tark etishim bu oldinga katta qadam tashlash deb hisoblayman. Eski klubimdagi barchaga, muxlislarga, jamoaga minnatdorchilik bildiraman. Menga o'zimni ko'rsatish uchun imkon bergan har ikkala klubdan qarzdorman. Hozir esa yangi mavsumda yangi libosdagi bahsni sabrsizlik bilan kutyapman".

21 yoshli futbolchi "Nyukasl" safida 28 raqamda harakat qiladi va "Aston Villa"ga qarshi o'yinda maydonga tushish uchun tayyor bo'ladi.