Dest: «Messi jamoa yuragi edi»

“Barselona“ himoyachisi Serji Dest Lionel Messining klubdan ketishi borasida o'z his-tuyg'ulari haqida gapirib berdi.

“Bu yangilik meni bir oz hayratda qoldirdi, chunki hamma dunyodagi eng yaxshi o'yinchi sening jamoingda qolishini istaydi.

Ammo, afsuski, bu hodisa baribir sodir bo'ldi. Har bir o'yin va mashg'ulotlarda Leo juda ajoyib taassurotlar qoldirgan.

Jamoa yuragi bu Messi edi. Ammo biz undan ayrildik, bunga ko'nikish qiyin. Biroq yangi mavsumga e'tibor qaratishimiz kerak“, - deydi Dest.