Luka Yovich "Real"da ko'proq imkoniyat xohlamoqda

Luka Yovich qolishga va "Real"da o'z o'rni uchun kurashishga qat'iy qaror qildi, deb xabar beradi Marca nashri.

Serb 2019 yilda "Ayntraxt"dan 65 million evro evaziga "qirollik klubi"ga o'tgan, ammo "Real" libosida atigi 1014 daqiqa o'ynagan. Ushbu mavsum 23 yoshli futbolchi ko'proq narsani xohlamoqda.

Umuman, Yovich "Real" safida atigi 32ta o'yinda maydonga tushib, 2ta gol urdi va shuncha golli uzatmani amalga oshirdi.

"Qaymoqranglilar" serbiyalikni sotmoqchi yoki ijaraga bermoqchi, ammo hujumchi o'ziga moslashish uchun vaqt kerak deb hisoblaydi.
Yovich yaqinda "Milan"ga qarshi o'rtoqlik uchrashuvida "Real" tarkibida o'ynashi mumkin. Uning taqdiri esa katta ehtimol bilan ushbu bahsda aniq bo'ladi.