«Burgutlar» Chempionship klubidan hujumchi xarid qiladi

«Kristal Pelas» klubi Chempionship vakili «Blekbern» hujumchisi Adam Armstrong transferini amalga oshirmoqchi. «Sky Sports» xabariga ko'ra, Angliya yoshlar terma jamoasi a'zosi uchun klub 20 million funt so'ragan.

Hujumchi uchun «Sautgempton» ham qiziqish bildirmoqda. Chunki ular DenI Ingz o'rniga yangi futbolchi qidirmoqda. Agar futbolchi sotilgudek bo'lsa, «Nyukasl» klubi foydaning 40 foizini oladi.

Negaki, bundan uch yil oldin «Blekbern» aynan shunday shartnoma orqali 1,8 million funtga futbolchini nyukaslliklardan sotib olingan. 24 yoshli Armstrong o'tgan mavsum Chempionshipda 30 ta golga mualliflik qilgan.