Tokio-2020. Kanoe. Rahmatova-Zokirova juftligi yarim finalga chiqdi

Yozgi olimpiya o'yinlarining kanoeda eshkak eshish turida bugun ayollar 500 metrga ikkilik bahslarida ishtirok etishdi.

Dilnoza Rahmatova va Nilufar Zokirovadan iborat juftlik dastlabki saralash bahsida to'g'ridan-to'g'ri yarim final yo'llanmasini qo'lga kirita olmagan edi. Ular bu vazifani chorak final bahsi orqali uddalashdi. Ular o'z guruhlarida marraga ikkinchi bo'lib etib kelishdi. Sportchilarimiz buning uchun 2:04.450 daqiqa vaqt sarflashdi.

Ushbu yo'nalishda yarim final va final bahslari ertaga — 7 avgust kuni tongda bo'lib o'tadi.

Manba: www.stadion.uz.