Tokio-2020. Og'ir atletika. Akbar Jo'raevning dastlabki urinishlari uchun buyurtmasi ma'lum bo'ldi

Yana bir soatdan so'ng Tokio olimpiadasida og'ir atletika bo'yicha erkaklar 109 kg. vazn toifasida o'z ishtiroklarini boshlashadi.

Xabaringiz bor, ushbu toifada hamyurtimiz Akbar Jo'raev ham ishtirok etadi va u g'oliblikka da'vogarlardan biri hisoblanadi. Sportchilar dastlabki og'irliklarga buyurtma berishdi.

Buyurtmalar orasida eng og'iri Akbar Jo'raev va armanistonlik Simon Martirosyanga tegishli bo'lib turibdi. Ular dast ko'tarishga 190 kg., siltab ko'tarishga esa 230 kg. buyurtma berishdi. Ularning buyurtmalari boshqa raqiblarinikiga nisbatan ancha yuqori ekanini quyida ko'rish mumkin:

Tabiiyki, ilk urinishda mazkur og'irlik zabt etilsa, keyin ikkita urinishda medallar uchun kurash kechadi.

Og'ir atletika bahsi Toshkent vaqti bilan 15:50da boshlanadi.