Kristante Mourino haqida qanday fikrda?

«Roma» yarimhimoyachisi Brayan Kristante Joze Mourino jamoaga kelgach muhitni o'zgartira olishi haqida gapirdi.

Oldinroq Rim klubida mashg'ulotlar oldidan kayfiyat bilan bog'liq muammolar bo'lgan edi. Endi vaziyat tubdan o'zgardi, chunki portugaliyalik mutaxassis jiddiy ishlar boshlash uchun o'ziga bo'lgan ishonchni kuchaytirgan.

“Bizda shu paytgacha hech qachon etarlicha ishtiyoq bo'lmagan edi. Ishlar to'g'ri yo'nalishda ketmayotgani va maqsadlarga erishish imkonsizligini ko'rsangiz, albatta o'zingizga bo'lgan ishonchni yo'qotasiz.

Bu jamoaning mag'lubiyatiga sabab bo'ladi. Mourinoning kelishi bilan, albatta, ilgari bo'lmagan eyforiya kayfiyati barchaga yuqdi. Buni g'alabalar bilan isbotlaymiz», - deydi Kristante.