«Bunyodkor» nazorat uchrashuvida «Yangier»ni mag'lubiyatga uchratdi

“Bunyodkor” bugun Superliganing yangi mavsumiga tayyorgarlik jarayonida “Yangier”ga qarshi nazorat uchrashuvini o'tkazdi.

Bosh murabbiy Vadim Abramov bugungi bellashuvda maydonga yoshartirilgan tarkibni tushirdi. “Bunyodkor-akademiyasi” maydonida bo'lib o'tgan bellashuv gollarga boy tarzda kechdi.

Jamoamiz avvaliga ikki to'p farqi bilan hisobda oldinga chiqib olgan edi. Ammo iroda ko'rsatgan raqib vaziyatni o'nglay oldi va hisobni tenglashtirdi. Biroq qolgan daqiqalarda “qaldirg'ochlar” irodasini namoyish qilib, durangni g'alabaga aylantirdi – 4:2.

Ertaga "Bunyodkor" navbatdagi nazorat o'yinida maydonga tushadi. Raqib Toshkentning “Oq-tepa” jamoasi bo'ladi.

O'rtoqlik uchrashuvi

BUNYoDKOR - YaNGIER - 4:2 (2:1)

5 mart. Toshkent. «Bunyodkor-akademiyasi» maydoni.

Bosh hakam: Ilgiz Tantashev.

«Bunyodkor»: Eldor Adhamov, Burxon Usmonov (Muhammadodil Qahramonov), Nodir Mavlonov, Bobur Farhodov, Abubakr Mo'ydinov, Farrux Ikromov, Suhrob Izzatov, Kamron Najafaliev, Sardor Azimov, Sanjar Rihsiboev, Jahongir Abdusalomov (Vladislav Nuriev).

Gollar: Sanjar Rihsiboev, 17 - 1:0. Sardor Azimov, 28 - 2:0. Sanjar Rihsiboev, 75 - 3:2. Sanjar Rihsiboev, 82 - 4:2.