«Fajr Open» musobaqasida taekvondochilar 3 tadan oltin, kumush va bronza medallar yutdi

Eronning Fajr shahrida taekvondo bo'yicha “Fajr Open” xalqaro musobaqa o'z yakuniga etdi. Quvonarlisi, musobaqaning so'nggi kunida terma jamoamiz vakillari 2 ta medalni qo'lga kiritdilar.

-80 kg vazn toifasida Maksim Rafalovich yarim finalda imkoniyatni boy berib, bronza medali bilan taqdirlandi. E'tiborlisi, ushbu vazn toifasining final jangida terma jamoamizning boshqa bir vakili Shuhrat Salaev harakat qildi. Eronlik raqibiga qarshi kechgan bellashuvda, afsuski, vakilimiz kichik hisobda imkoniyatni boy berib qo'ydi.

Shu tariqa O'zbekiston terma jamoasi vakillari ushbu turnirda 3 tadan oltin, kumush va bronza medallarini jamg'arishga muvaffaq bo'ldilar. Eslatib o'tamiz, avvalgi bahslarda taekvondochilarimiz 3 ta oltin, 2 ta kumush va 2 ta bronza medallarini qo'lga kiritishgan edi.