Sohibjamol Lari — hijob kiygan birinchi figurali uchuvchi (FOTO+VIDEO)

Hijob kiygan birinchi figurali uchuvchi BAAlik Zaha Lari musobaqalarda ishtirok etishi uchun Figurali uchish xalqaro federatsiyasi musobaqa qoidalarini o'zgartirishga rozi bo'ldi, deb yozadi RT.

Gap shundaki, figurali uchish sportida bosh kiyimda ishtirok etish mumkin emas. Boshida federatsiya qarshilik ko'rsatgan edi, lekin keyinchalik ular musulmon mamlakatidan bo'lgan sportchining vaziyatini tushunib rozilik berishdi.

Krasnoyarskda bo'lib o'tayotgan qishgi sport universiadasida ushbu mavzu eng ko'p muhokama qilingan mavzulardan biri bo'ldi.

BAAlik Zaha Lari 24 yoshda. U o'z mamlakati nomidan figurali uchish bo'yicha xalqaro sport musobaqalarida taqdim etayotgan birinchi sportchi bo'ldi. Rossiya telekanaliga bergan intervyusida Lari BAAda ushbu sport turi bilan shug'ullanishda duch kelayotgan mushkulliklar haqida so'zlab berdi.

"Bizda eng katta muammo bu muz maydonchalarining yo'qligidir. Bizda yagona qishgi sport majmuasi Abu Dabida joylashgan. U erda xokkey o'ynaladi", - deydi Lari.

Shunga qaramasdaning hamyurtlari sportchini iliq qo'llab-quvvatlab turishadi. Kuchada tanib qolishsa unga omad tilashadi.

Zaha Larining eng katta orzusi Pekinda 2022 yilda bo'lib o'tishi rejalashtirilayotgan qishgi Olimpiya o'yinlarida ishtirok etishdir. Hozircha u Krasnoyarskdagi universidada ishtirok etmoqda. FOTO+VIDEO