«Lokomotiv»ning bo'lajak raqibi yirik hisobda yutqazdi va murabbiyi iste'foga chiqarildi

Xabar berganimizdek, kecha Osiyo Chempionlar ligasining guruh bosqich o'yinlariga start berildi.   Mamlakatimiz chempioni “Lokomotiv” o'rin olgan “V” guruhidagi ikkinchi uchrashuvda Saudiya Arabistonining “Al Ittihod” klubi o'z maydonida Qatarning “Ar Rayan” jamoasini qabul qildi va yirik hisobda g'alaba qozondi.   Holbuki, uchrashuvni mehmonlar yaxshi boshlagan va 23-daqiqada Gonsalo Vieraning golidan keyin hisobda oldinga chiqib olgandi ham. Ammo, tanaffusga yaqin mezbonlar nafaqat hisobni tenglashtirishdi, balki birinchi bo'limga qo'shib berilgan daqiqalarda ikkinchi golni ham kiritdi.   Ikkinchi bo'lim esa to'lig'icha saudiyaliklarning ustunligida o'tib, ular yana uch bor raqib darvozasini ishg'ol qildi. Yakuniy natija – 5:1, “Al Ittihod” klubi foydasiga. Mazkur natija saudiyaliklarni guruh peshqadamiga aylantirdi.   OChLning 2-turida “Lokomotiv” mehmonda aynan “Ar Rayan” bilan kuch sinashadi. Kechagi mag'lubiyatdan keyin qatarliklar ustozi turkiyalik Bulent Uyg'un iste'foga chiqarildi. Demak, temiryo'lchilarga qarshi maydonga “Ar Rayan”ni yangi murabbiy boshlab tushadi.​​