«Kelajagimiz umidlari». Jizzaxda bolalar festivali o'tkazildi

O'zbekiston futbol assotsiatsiyasi va O'zbekiston Respublikasi Xalq ta'limi vazirligi hamkorligida umumta'lim maktab o'quvchilari o'rtasida mini-futbol bo'yicha “Kelajagimiz umidlari” festivali  tashkil etib kelinmoqda.    Festivallar tashkil etishdan  maqsad bolajonlarni futbolga jalb qilish, mamlakatimizda futbolni ommalashtirish va umumta'lim maktab o'quvchilari orasidan iqtidorli bolalarni tanlab olib, futbol maktablariga tavsiya qilishdan iborat.   "Kelajagimiz umidlari" bolalar festivalining navbatdagi Jizzax viloyatida bo'lib o'tdi. Jizzaxda o'tkazilgan festivalda 10ta umumta'lim maktablaridan tashrif buyurgan 100 nafardan ortiq 3-sinf o'quvchilari ishtirok etishdi.   Tadbir so'nggida festival ishtirokchilariga O'FA va viloyat futbol assotsiatsiyasi tomonidan diplomlar va esdalik sovg'alari taqdim qilindi.