«Borussiya»ning ikki nafar futbolchisi «Tottenxem»ga qarshi o'yinga tayyor

Dortmundning “Borussiya” klubining ikki nafar futbolchisi jarohatidan forig' bo'ldi va umumiy mashg'ulotlarga qaytdi.

Klubning rasmiy saytining xabar berishicha, o'yin oldi mashg'ulotlarga himoyachi Marsel Shmeltser va Lukash Pishek qaytgan.

Shmeltser “Tottenxem”ga qarshi o'yinga butunlay tayyor ammo, Pishekning ishtiroki so'roq ostida turibdi.

Shu bilan birgalikda, asosiy mashg'ulotlarda yoshlar jamoasidan 18 yoshli Alaa Bakir ham ishtirok etdi.

Ma'lumot o'rnida, “Borussiya”– “Tottenxem” uchrashuvi 5 mart kuni bo'lib o'tadi.