Belarus klubi boshqa mamlakat chempionatida qatnashish bilan po'pisa qildi

Belarusning "Dinamo" Brest klubi rahbari Aleksandr Zaytsev mamlakat chempionatida ishtirok etish huquqi qaytarilmasa, klub boshqa mamlakat chempionatida qatnashishi mumkinligini ma'lum qildi.

"Dinamo" Brest va "Neman" klubi o'rtasida futbolchi Pavel Savitskiyning transferi yuzasidan ziddiyat yuzagan kelgan, Belarus futbol federatsiyasi (ABFF) brestliklarni futbolchi uchun 400 ming dollar to'lashga majburlamoqda. "Dinamo" esa to'lamoqchi emas.

"Dinamo"ni chempionatdan chetlashtirishga hamma asos bor, buni tushunaman. Ammo pozitsiyamni aniq aytganman: nol rubl, nol kopeyka. Bizni chetlashtirishlari mumkin - bunga tayyormiz. Shunday bo'lsa, belarus futboli o'z qarorini o'zi sharhlasin. Bizning loyihamiz - belarus futboliga real mablag' olib kiradigan kamyob loyiha. Biz ko'p narsa yaratdik, katta rejalarimiz bor. Ammo federatsiyani bu qiziqtirmaydi.

Biz shunchaki boshqa chempionatga o'tib ketamiz. Bu bir kunlik ish emas. Ammo o'ylashimcha, eng so'nggi choragacha etib bormaydi", - deydi Zaytsev.

Eslatib o'tamiz, brestliklar argentinalik mashhur Diego Maradonani klubning strategik rivoji uchun ma'sul etib tayinlagan edi.