Temurho'ja Abduholiqov terma jamoadan chaqiruv oldi

Toshkenning "Lokomotiv" klubi hujumchisi Temurxo'ja Abduxoliqov O'zbekiston milliy terma jamoasining mart oyidagi yig'inlariga chaqirilgan.

Bu haqda “Lokomotiv” bosh murabbiysi Andrey Fyodorov “Al Vahda” bilan bo'lib o'tgan o'yindan so'ng o'tkazilgan matbuot anjumanida ma'lum qildi.

Eslatib o'tamiz, O'zbekiston 21-25 mart kunlari Xitoyning Guansi shahrida bo'lib o'tadigan, "China Cup" musobaqasida qatnashadi va ilk o'yinini Urugvay terma jamoasiga qarshi o'tkazadi.