"Roma" Di Francheskoni iste'foga chiqaradi, agar...

"Roma" bosh murabbiyi Eusebio Di Francheskoga iste'fo xavf solmoqda, deya xabar beradi jurnalist Janluki Di Martsio.

Manbaga ko'ra, agar "Roma" chempionlar ligasining chorak finaliga yo'l ololmasa Di Franchesko iste'foga chiqariladi.

Eslatib o'tamiz, 1/8 finalning birinchi o'yinida "Roma" o'z uyida "Portu"ni 2:1 hisobida mag'lub etgan edi. Javob o'yini 6 mart kuni Portugaliyada bo'ladi.

"Roma" A seriyada 44 ochko bilan 5-o'rinda bormoqda. Rimliklar 4-o'rindagi "Inter"dan uch ochko ortda bormoqdalar. Bundan tashqari "Fiorentina"ga 1:7 hisobida mag'lub bo'lib Italiya kubogi chorak finalidan chiqib ketdi.

49 yoshli Di Frantsesko 2017 yildan "Roma"ni boshqarib kelmoqda. O'tgan yili EChL yarimfinaliga etib borgan va "Liverpul"ga mag'lub bo'lgan edi (2:5 va 4:2).