«Yuventus» o'z rekordini yangiladi

«Yuventus» klubi Italiya A seriyasining 26-turi doirasida bo'lib o'tgan o'yinda «Napoli»ni mag'lubiyatga uchratdi (2:1).

Turinliklar Italiya chempionati doirasidagi safar bahslarida ketma-ket 26ta o'yindan beri mag'lubiyatga uchramayapti. Bu klub tarixidagi yangi rekord natija hisoblanadi.

«Yuventus» so'nggi marta 2017 yilning 19 noyabr kuni «Sampdoriya» maydonida imkoniyatni boy bergandi – 2:3.