Ramos Messi bilan ro'y bergan vaziyatga izoh berdi

«Real» jamoasi sardori Serxio Ramos Primeraning 26-turida «Barselona»ga qarshi kechgan o'yindagi holat bo'yicha izoh berdi.

«Barsa» bilan o'yin «Real» uchun dahshatga aylandimi? Yo'q! Biz bu o'yinda ustunlik qilgan bo'lsakda, g'alaba qozonish uchun gol urolmadik.

Statistikaga qaraydigan bo'lsak, biz kecha ham, Ispaniya Kubogi yarimfinalidagi o'yinda ham ustunroq edik. Bizda yaxshi imkoniyatlar bo'lgandi. Endi esa raqibni tabriklash bilan kifoyalanamiz. Shunchaki yaxshi o'ynashning o'zi etarli emas.

«Barselona» chempionlik sari katta qadam tashladi. Afsuski, oradagi farq oshib ketishiga yo'l qo'yib berdik, ammo «Real» oxirigacha kurash olib boradi.

Messining yuziga urib yuborganimmi? O'yinda bunday holatlar bo'lib turadi. Men Lionelni ataylab urmadim. U esa bunga juda yomon munosabatda bo'ldi va yiqilib oldi», deya Ramosning so'zlarini keltirgan AS nashri.

VIDEO