«Lokomotiv» «Al Vahda» bilan o'yinga tayyor (fotogalereya)

“Lokomotiv” 4 mart kuni Osiyo chempionlar ligasini boshlaydi. O'zbekistonning amaldagi chempioni bu yil ham OChLdagi ilk uchrashuvini xuddi o'tgan yildagi kabi BAAning “Al Vahda” klubiga qarshi o'tkazadi. 4 mart kuni TTZ “Lokomotiv” stadionida kechadigan bahs soat 16:00da boshlanadi.

“Temiryo'lchilar” bugun o'yin bo'ladigan stadionda mashg'ulot o'tkazishdi. Barcha futbolchilarning kayifiyati chog' va hamma bo'lajak bahsga jiddiy tayyorgarlik ko'rmoqda.

Bugun o'yinoldi rasmiy mashg'ulot o'tkaziladi. “Lokomotiv” soat 15:00dan boshlab shug'ullanadi va bir soat davom etadi. “Al Vahda” mashg'uloti 16:00da boshlanadi.

Quyida mashg'ulotlardan fotosuratlarni keltirib o'tamiz.