Platini: «Klublar musobaqa tashkil etish huquqiga ega»

UEFA sobiq prezidenti Mishel Platini Evropa superligasi musobaqasini tashkil etish borasidagi harakatlarga o'z munosabatini bildirib o'tdi.

«UEFA va Superliga o'rtasidagi mojaro meni hayron qoldirmoqda. Deyarli 50 yil davomida klublar evrokuboklar formatini o'zgartirishga harakat qilib kelishdi va bunga deyarli erishishdi. Ammo matbuot va muxlislar tomonidan bo'lgan kuchli bosim tufayli barchasi bosh berk ko'chaga kirib qoldi.

UEFA bajara olmagan ishni muxlislar va matbuot uddaladi. Ular klublarni birlashtirishdi. Klublar o'z turnirlarini tashkil etish hamda UEFA va FIFA tomonidan tashkil etiladigan musobaqalarda ishtirok etmaslik huquqiga egalar», – dedi Platini.