"Atletiko", "Milan" va "Borussiya" yangi chempionga qiziqmoqda

"Atletiko Madrid", "Milan" va Dortmundning "Borussiya" klublari "Lill" yarim himoyachisi  Jonatan Ikonega qiziqish bildirmoqda, deb xabar beradi Calciomercato.

Manbaning xabariga ko'ra, Ispaniya, Italiya va Germaniya klublari futbolchini yozgi transferlar  vaqtida sotib olmoqchi. "Lill" futbolchini qo'yib yubormoqchi emas, ammo yaxshi taklif tushsa, uni  sotishga rozi bo'lishi mumkin.

23 yoshli Ikone PSJ tarbiyalanuvchisi. O'tgan mavsumda u "Lill" safida barcha turnirlarda 48  uchrashuv o'tkazdi, ettita gol urdi va ettita golga uzatma berdi. Uning klub bilan shartnomasi 2023yilning yozigacha amal qiladi.