Angliya har doim katta nomlarga ega bo'lgan, biroq katta natijalarga emas
/ Kiritdi: BestMaster Ko'rilgan: 180
![](https://futboltv.asia/images/news/.jpg)
Angliiya terma jamoasi 1966-yilda jahon chempionligini qo'lga kiritgan, ammo Evropa chempionatida hech qachon g'alaba qozona olmagan. Inglizlar har bir turnirlarda favorit maqomiga ega bo'lib kelgan, ammo amalda natijalar yo'q.
Angliyaliklarning Evropa chempionatlarida eng yaxshi natijalarni 1968 va 1996 yillarda qayd etgan. Mazkur yillarda inglizlar uchinchi o'rinni egallagan. Gretsiya, Chexiya, Daniya kabi terma jamoalar chempion bo'lgan, ammo futbol vatani bo'lmish Angliyaga bu sovrinni qo'lga kiritish hozircha orzu bo'lib qolmoqda.
Saralash guruhidagi raqiblar: Chexiya, Kosovo, Bolgariya, Chernogoriya.
Garet Sautgeyt jamoasi o'z muxlislarini asabiylashtirmadi va Evro-2020ga to'g'ridan-to'g'ri yo'llanmani qo'lga kiritishda qiyinchilikga duch kelmadi. Saralash guruhida inglizlar 8 uchrashuvning 7tasida g'alaba qozonib, 37 ta gol urishdi. Angliyaning yagona mag'lubiyati Chexiyaga qarshi safar o'yinida bo'lib o'tdi, Bu o'yinni ushbu guruhdagi «final» bo'ldi desak adashmagan bo'lamiz. Qolgan ettita uchrashuvda «Uch sherlar» raqiblari darvozasiga kamida 4ta gol urdi. Angliya terma jamoasi yuqori darajadagi terma jamoaga munosib bo'lgani uchun juda ishonchli tarzda saralashdan o'tdi.
Evro-2020 guruhidagi raqiblar: Chexiya, Xorvatiya, Shotlandiya.
Angliyaliklar Evro-2020 saralash bosqichida Chexiya termasi bilan o'ynadi (5: 0; 1: 2) va endi ular final turnirida ham o'zaro bahs olib boradi.
- Shotlandiya va Angliya terma jamoalari o'rtasidagi raqobat - jahon futbolidagi milliy jamoalar darajasidagi eng qadimiy kurash hisoblanadi. Inglizlar va shotlandlar o'rtasidagi birinchi o'yin 1872 yilda bo'lib o'tgan va ularning Evro-2020dagi uchrashuvi tarixdagi 116-uchrashuv bo'lishi kerak (milliy terma jamoalar uchun rekord).
Angliya xuddi 1996 yildagidek Evropa chempionatida Shotlandiya bilan «Uembli» da uchrashadi. O'shanda "uch sherlar" 2-0 hislbida g'alaba qozondi.
Bundan avvalgi yirik turnir JCh-2018da inglizlar «Lujniki» da bo'lib o'tgan o'yinda qo'shimcha daqiqalarda Xorvatiyaga 2: 1 hisobida mag'lub bo'lib, final yo'llanmasidan quruq qoldi.
Angliyaning Evro-2020 uchun qaydnomasi:
Darvozabonlar: Din Xenderson («Manchester Yunayted»), Sem Djonston («Vest Bromvich»), Djordan Pikford («Everton»).
Himoyachilar: Ben Chiluell («Chelsi»), Konor Koudi («Vulverxempton»), Ris Djeyms («Chelsi»), Xarri Maguayr («Manchester Yunayted»), Tayron Mings («Aston Villa»), Lyuk Shou («Manchester Yunayted»), Djon Stounz («Manchester Siti»), Kiran Tripper («Atletiko»), Kayl Uoker («Manchester Siti»), Ben Uayt («Brayton»).
Yarim himoyachilar: Djud Bellingxem («Borussiya» Dortmund), Djordan Xenderson («Liverpul»), Meyson Maunt («Chelsi»), Kelvin Fillips («Lids»), Deklan Rays («Vest Xem»), Fil Foden («Manchester Siti»), Djek Grilish («Aston Villa»), Bukayo Saka («Arsenal»), Djeydon Sancho («Borussiya» Dortmund).
Hujumchilar: Dominik Kalvert-Lyuin («Everton»), Xarri Keyn («Tottenxem»), Markus Reshford («Manchester Yunayted»), Raxim Sterling («Manchester Siti»).
Murabbiy: Garet Sautgeyt (Angliya).
Angliya Evro-2020dagi jamoalar orasida qiymati bo'yicha eng qimmat terma jamoa hisoblanadi. Ushbu jamoaning umumiy qiymati 1,25 milliard evro qiymatga ega.
Shu bilan birgalikda, Sautgeyt jamoasi Evropa ishtirok etayotgan jamoalar orasida eng yosh tarkiblardan bii hisoblanadi. Ushbu jamoaning o'rtacha yoshi 25,3 yosh hisoblanadi. Bu ko'rsatkich bo'yicha faqatgina Turkiya ulardan yaxshiroq.
Ushbu terma jamoaning sardori va hujumdagi etakchisi Xarri Keyn hisoblanadi. U bu mavsum 23 ta gol va 14 ta golli uzatma bilan Premer-Ligada eng yaxshi ko'rsatkichni qayd etdi. Uning o'yini ko'p jihatdan terma jamoa natijalarida katta ahamiyatga ega.
Manba: sports.ru