Kurashchilarimiz xalqaro turnirda kumush medalni qo'lga kiritishdi

Bolganiyaning Ruse shahrida sport kurashlari bo'yicha xalqaro turnir davom etmoqda. Musobaqaning yakuniga etgan navbatdagi kuni terma jamoamiz vakillari uchun muvaffaqiyatli o'tdi.

Avval xabar berganimizdek, turnirda erkin va ayollar kurashi bo'yicha 2 vakilimiz final yo'llanmasini qo'lga kiritgan edi. Bekzod Abdurahmonov 74 kilogrammgacha bo'lgan vazn toifasidagi erkin kurashchilar bahsida kumush medalga sazovor bo'ldi. Yurtdoshimiz hal qiluvchi bahsda amerikalik Jordan Barrouzga imkoniyatni boy berib qo'ydi.

Shuningdek, Baxtigul Boltaniyozova (-68 kg) ham murosasiz kechgan final bahsida amerikalik Tamira Mensaga engildi. Shu tariqa, kurashchilarimiz ayni paytgacha 2 ta kumush medallarini jamg'ardilar. Musobaqa davomida yana bir nechta polvonlarimiz o'z omadini sinab ko'rashadi.